係呀，我講緊你呀，仲有你，你，同埋你地呢班所謂文化界評論者，講左十九幾萬次都係呢個 Point，咩鬼慘歌唔好，K 歌又唔好，情歌多過頭…… 真係好ｘ煩。

聽歌，本來就係感性之事，大家聽左乜接收左乜，都係自己既事，但你硬係假設其他人白痴，話乜都會潛移默化，係都要話聽完慘歌就好 down，好想跳樓死，你唔俾我聽呢 D 歌時好開心，落井下石，聽到人地在愛情路上 PK 時會聽到笑出黎咩？超，諗野一樣咪又係 Stereotype，學咩人讀社會學？

將全港慘歌死歌抽晒出黎，左彈右彈，我都寫到論文啦，之但係 ICHIBAN 興奮跅跅步哈姆太郎大紅大紫孖寶６６８飲歌士多啤梨蘋果橙森巴皇后精選我們要睡覺下一站天后魚旦歌我們的紀念冊朋友仔友誼第一作詞人的錯一時無兩幼稚園德州的故事，無一首呼天搶地喎。你班友仔，係要拎晒明愛暗戀補習社大浪漫主義雙失情人節人比人多謝失戀眼紅紅冬令時間丟架出黎死鋤爛鋤話呢個樂壇太多情歌，大叫要多元化，咁ICHIBAN 興奮跅跅步哈姆太郎大紅大紫孖寶６６８飲歌士多啤梨蘋果橙森巴皇后精選我們要睡覺下一站天后魚旦歌我們的紀念冊朋友仔友誼第一作詞人的錯一時無兩幼稚園德州的故事算係乜呢？咁樣選擇性抽樣黎支持自己論點，無得好講…… 囉。