隆重宣布：我對我部 Dopod 818 Pro 已經忍無可忍，早排壞左個喇叭換左塊底板，點知用左兩日個喇叭爆聲又壞過。頂你，你估我真係好得閒成日上你地 SIS 個維修中心？你估將 Program 裝完又裝真係好過癮？下年 iPhone 一出，睇你地同 Blackberry 點樣一齊仆直。
P.S 祝你 Quarry Bay 個維修中心繼續人頭湧湧生意興隆啦。
(0)
電腦 2007年01月05日
Google Analytics 或 Sitemeter 告訴大家，網站的大部分來源地，原來都是從各大 Search Engine 而來。當網民搜尋某些特定關鍵字時，如果自己的網站能排在頭幾位，自然有助點擊率的提升。提升排名的行為叫做 SEO，中文叫搜索引擎優化。
實行 SEO 方法之一，是多寫些冷門題材。冷門的意思，不一定是一般人少去關注的題目，其實也可以是沒有人寫過的題目。例如我早前寫了一篇「IKEA Fan Book」，在 Google、Yahoo! HK 或 Baidu 搜查這組關鍵字，我的網站也排在第一位。如果有一天《IKEA Fan Book》這本書忽然聲名大噪，我的網站便受惠了。
P.S. 在 Google 搜查站長 n 年無 Update 的「香港網上食譜」，本站竟也成功穩佔第三四位，成績不錯。我相信「香港網上食譜」屬於查詢率極高的關鍵字，這回算是偷雞賺了。
隨心 2007年01月01日
踏入新一年，最怕聽見「政府都無禁止入口，做乜唔俾我食煙？」之類既控訴，然後就係一副非黑即白既嘴臉，大叫「一係就將食煙列為刑事罪行，否則就唔好趕絕我唔俾我通街食煙！我有人權！」
好心啦，大人大姐，呢個世界好多野都有害，咁係咪乜都話禁，你先至識得唔做先？飲酒、揀飲擇食、夜訓、唔做運動、食零食、沉迷上網…… 呢個世界好多野對身心都唔好，唔通政府要做埋你老豆老母，呢樣話唔得，果樣又話唔俾，你先至乖乖地唔去做？清醒少少好唔好？政府唔禁，一來係礙於人權自由考慮，二來食煙對身體係唔好，但無可否認仍有其他心理或社交功能。之但係，閣下煙癮起之時，請唔好影響到其他非煙民。
唔少人食煙係受到幾十年前「食煙＝有型成熟」意識型態影響，新一代唔少人都仲有呢種古舊思維，希望透過食煙來獲得自我及友濟間既認同。相對公園班文盲阿伯，呢班係更易觸犯新法例既人。可惜，今時今日呢條有型 Formula 已經慢慢唔多 Work。當我見到一個港女食煙，我會直覺相信佢係壞女人或者係雞，多過覺得佢優雅有型。
P.S. 大力支持控煙辦公室公正執行公務，將不守法既煙民繩之於法。
| 1 | 2
